Kasabay sa pagdiriwang nito ang mga patimpalak na nilahukan ng mga mag-aaral sa PCEHS mula ikapito hanggang ikasampung baitang. Nagkaroon ng Patimpalak sa Karakterisasyon ng mga Obra , Pagguhit ng Poster, Spoken Poetry, Tiktokatutubo at Harana ng Tahanan. Dito ipinakita ng mga mag-aaral ang kanilang mga talento kahit pa sila ay nasa kanilang mga tahanan ngayong panahon ng pandemya. Nagkaroon din ng pagkakataong makapagbahagi ang mga piling guro ng Filipino ukol sa kanilang pagtuturo sa pangunguna ng Puno ng Kagawaran ng Filipino ng PCEHS na si G. Bello T. Camacho.

          Tunay ngang hindi matatawaran ang angking talento ng batang Pasay lalo na sa mga nagwagi  dahil sa ipinakita nilang kakayahan sa mga nabanggit na gawain. Pinarangalan ang mga mag-aral na lumahok at nagsipagwagi sa bawat patimpalak.

          Sa gitna ng pandemya ay patuloy pa rin ang pagdiriwang ng Buwan ng Wika gamit ang gadget at internet na nagsisilbing tulay upang magkaroon ng pagkakataong magkamustahan at makapagdiwang ng mahalagang pangyayari na bahagi sa buhay ng isang mag-aaral, guro at magulang saan mang dako ng Pilipinas– ang Buwan ng Wikang Pambansa.